©§¤°4°¤§©¤ لقاء مع اعضاء منتدي عالم فرفشة¤©§¤°^°¤§© مع بلاك

©§¤°^°¤§©¤ لقاء مع اعضاء منتدي عالم فرفشة¤©§¤°^°¤§©

في ليل منسدل جميل
افلت فيها النجوم الكسيره
فظهر جليا بكامل زينته
لنزف فيه بدر البدور
بروائع الكلام وجميل الحبور

[/b]

مساؤنا الليله
بداخله قلب ينبض
تحتويه روح تسري
تكتنزه الحروف بجل حضورها
ويحتضنه رائعه بطعمه الفاتن

ضيفنا اليوم
رقيق الحس
تنساب من مخليته جواهرر الابداع
ذوب بروعة فكره وسمو اخلاقه كل فوارق الحدود
وتجانسنا معه في لوحه تزينت بألوان المحبه
التي ولاشك استوطنت القلب
وأنغرست في جسد الأخوة النقية الصافية التي نفتخر ونعتبرها

وجوده في منتدانا علمنا ابجديات مميزه

حباً تغنى بها من حروف تشع وتفيض جمال وابداع

وجوده معنا هذه الأمسيه يشبه انكسار زجاجة عطر فواحه

ملئت اجوائنا و التصقت بنا لتهدينا اطايب الرائحه

لن أطيل عليكم

فضيفنا هو من تشد إليه الحروف رحالها

فتأوي إلى من تعشق حبر قلمه

ليسكبها رقراقة في صفحات من ذهب

وسيبقى دائما مخزن النور والضياء والأطياب

انه المشرف العااااام

|؛¤ّ,¸¸,ّ¤؛|مفقود رغم الوووجود|؛¤ّ,¸¸,ّ¤؛|

ارحب بك اجمل ترحيب يليق

بشخص يحمل فيه ومعه كل الروعه وجمال الحضور

ملكت منّا قلوبــا ما لها عـــدد

بالحب والجود في الأفعال والكلم

ونلت منه جزيــــل الحب أعمقه

وبقيت فيها فارسا في أعلى القمم

أهدي إليك لآلئ الحرف باسمة

على حياء وفي جلباب محتشم

فإن عجزت فعذرا منك يشملني

فدون حقك شكر النفس والقلم

وإن قبلت فقد أوليتني شرفا

وزدت هذه اللآلئ أشرف القيم

أهلاً وسهلاً وحياك الله بين قلوب تلهفت للقائك

أهلاً بك وبريح الطيب االذي حمل لنا هذا الحضور المنفرد

أهلاً بك وبعزف حروفك في إحدى أمسياتنا الرائعة بتواجدكم

كل الشكر لقبولك الدعوة لأمسيتنا

وحياك الله ..وكل من سيشاركنا هذا اللقاء

تقبلو مني اجمل تحيه
وباقة ورد نرجسي

متل دايما حابه انو انال شرف اول وحده تبدا بالكلام
فا اسمحلي ابدأ

****************

منتدي عالم فرفشة

ماذا يعني لك هذا الاسم؟
ماذا يستحق من وقتك وجهدك؟
هل بتشوفو حقق اهداف حلوة؟
شو اكتر قسم بتحب تفوتو؟
شو الموضيع الي بتعجب مفقود؟ومين هو العضو الي بتحب مشاركاتو؟
وشو بتعرف عن هدول الاعضاء؟

بلاك
يا بنت الايه
عاشقة الغروب
استبرق
محمد
لوءة
ميوش
؟؟

الحياة مسرح كبير كتيــر

كل واحد بيلعب دوروه بعدين بيروح
هل تعتقد انو(مفقود)
استطاع حتى الآن ان يلعب دوره باقتدار على هذا المسرح ..؟؟
*وما هي خطتك للقادم من الايام ..
*هل تحتمل تعديلا عن ما كانت عليه ...
لتشعر في النهاية انك اديت دورك في هذه الحياة على اكمل وجه ؟؟

ماهو الشيء الذي يشعر ( مفقود ) انه متميز فيه ؟؟
ماهي ابرز اهتماماتك واطلاعاتك 00 هل هي سياسيه ,اجتماعيه , ادبيه , تاريخيه ؟؟

متي اخر مرة اضحكت من قلب؟وليش؟
ومتي اخر مرة بكيت من قلب ؟وليش؟
اذا كنت متضايق شو اول شي بتفكر تعملو؟

انا بكتفي بهدول الاسئلة وانشالله تكون فاهم اسئلتي
وبتمني من بائي الاعضاء التفاعل وطرح الاسئلة لضيفنا
وبتمني انو الاسئلة ما تكون محرجة او شخصية كتير

تحيااااااااتي

ميوش
[/b]

مرحبا
انا بدي اسال مفقود وياريت تجاوب
الكل عارف انو انت ولوءه صحاب
بس بدنا نعرف منك السر
لانو هناك اختلاف كبير بين شخصيتك وشخصيته
متلا طريقة التفكير المظهر الخارجي ومجال الدراسة والهوايات وطريقة البس وغيرو
انا حابب اعرف السر بعلاقتكو لاني بعرف انو الصحاب بنعدو من بعض
وشكرا

منتدي عالم فرفشة

ماذا يعني لك هذا الاسم؟

بيعنلي كتير كتير
واله مكانه كبيره في قلبي بكفي انو خلاني اتعرف على ناس زيكم
وعمري ما راح انساكم فكيف راح انسى هادا الاسم

ماذا يستحق من وقتك وجهدك؟

والله انو المنتدى الو حصه كبيره من وقتي وما بقدر ابعد عنه وعن اعضاءه الي بيرفعوا الراس

هل بتشوفو حقق اهداف حلوة؟

اكيد حقق كتير وانشاءالله راح يحقق اكتر
مع وجود اعضاء زيكم منورين هادا المنتدى

شو اكتر قسم بتحب تفوتو؟

اكيد ما بقدر انكر منتدى الالعاب والمسابقات

شو الموضيع الي بتعجب مفقود؟ومين هو العضو الي بتحب مشاركاتو؟

كل الالعاب بوجه عام
وموضوع لقاء مفتوح في منتدى التهاني بشكل خاص
العضو الي بحب مشاركاته الي هو ميوش وعاشقه لاني بحسهم
انهم هما الفاكهه تبعت المنتدى وبيعطعوا طعم تاني للمنتدى مع احترامي لجميع الاعضاء

وشو بتعرف عن هدول الاعضاء؟

بلاك

اول حاجه صاحبي وحبيبي
تاني حاجه راجل فهمان بيعرف يتعامل مع كل موقف بيتعرضله
تالت حاجه انو احنا دايما متفاهمين ودايما افكاري بتعجبه وافكاره بتعجبني
واحنا في بينا حوارات وغالبا ما بنطلع بقرارات بتفيد المنتدى

يا بنت الايه

بنت الايه اخويا بس بأعده صاحبي اكتر من اخويا
لانو الاخو اوقات بأخبي عنه حاجات بس بنت الايه بيعرف تقريبا كل حاجه عني زي ما انا
بعرف كل حاجه عنه

عاشقة الغروب

بنت مؤدبه وخجوله بنفس الوقت
والي الفخر احكي انو هي اول عضو تعرفت عليه من قريب في المنتدى
ومابنسى افكارها ومقترحاتها الي لليوم بتعملها لتطوير المنتدى
ولو بدي اذكرها مش راح اخلص
وما تنسوا انو الها مكان خاص بقلبي لانها اول حاجه من المافيا الي كلكم بتعرفوها
وعمرها ما رضفت الي طلب
ودايما بتوقف معي بغيابي وبتسد مكاني
علشان هيك بعتبرها الايد اليمين لالي

استبرق

بنت محترمه كتير واموره بنفس الوقت
كل واحد عرفها حبها لطريقه تعاملها مع الاعضاء بالمنتدى
وعمرنا ما شفنا حد بيغلط عليها ولاهي غلطت على حد
والها فضل كبير على المنتدى انها جابت اعضاء كتير من اصحابها
ولسه بتعرف الناس على المنتدى وبتعمله دعايه

محمد

محمد هادا اكتر شخص متفاهمين انا وهو بالجامعه اغلب محاضراته معي
وانا اذا غبت اكيد بحطلي حضور وانا كمان بعمله زي هيك
صاحب بتفخر فيه انو يكون صاحبي لانو بكون جمبك في كل المواقف

لوءة

لوءه هادا اخويا التاني مع انو مالي اخو غير بنت الايه بس علاء
هو الاخو التاني لالي
وبكل اختصار وين ما يكون مفقود موجود وجد لوءه
واينما كان لوءه وجد مفقود
يعني اغلب الوقت مع بعض بيعرف عني الي اهلي ما بيعرفوه عني
اكيد هيك وصلت المعلومه

ميوش

ميووووووووووش هادي بنت دلوعه كتير
وبتحب دايما تكذب عليا مش عارف ليش
وبتحب تحكي انها انكسرت رجلها وبتحكي انو التنفذيه ضربتها وانا دايما بصدق
علشان انا غلبان
بس ماتنسوا انو عندها قلب طيب على الاخر نادر ما تشوف بنت زي هيك
وبردو الايد اليسار لمفقود
؟؟

الحياة مسرح كبير كتيــر

كل واحد بيلعب دوروه بعدين بيروح
هل تعتقد انو(مفقود)
استطاع حتى الآن ان يلعب دوره باقتدار على هذا المسرح ..؟؟

تقريبا اه بس لسه ما حقق هدفه

*وما هي خطتك للقادم من الايام

والله خطط كتيره بعدين بحكيلكم اياها ..

*هل تحتمل تعديلا عن ما كانت عليه
لتشعر في النهاية انك اديت دورك في هذه الحياة على اكمل وجه ؟؟

نعم احتمل

ماهو الشيء الذي يشعر ( مفقود ) انه متميز فيه ؟؟

ممممممممممممم مش عارف

ماهي ابرز اهتماماتك واطلاعاتك 00 هل هي سياسيه ,اجتماعيه , ادبيه , تاريخيه ؟؟

رياضيه

متي اخر مرة اضحكت من قلب؟وليش؟

والله مش متذكر بس بصراحه انا من النوع الي بيضحك كتير كتير
يعني في مواقف كتيره

ومتي اخر مرة بكيت من قلب ؟وليش؟

اخر مره بصراحه واتمنى ان لا تتكرر لما مات ابو صاحبي علاء وكانت في نص رمضان
وساعه ما اجو يدفنوه بالتحديد
عمري ما بنساها كنت راح افقد الوعي من كتر ما بكيت لدرجه انو علاء هو الي اجا
يمسكني
والسبب اني كنت دايما بالمستشفى عند ابو علاء ونمت عنده جمب ابنه علاء
لانو زي ماحكتلكم علاء اخويا اكتر ما هو صاحبي

اذا كنت متضايق شو اول شي بتفكر تعملو؟

اروح اطلع
اول العب كوره على الكمبيوتر

فلسطيني كتب:: مرحبا
انا بدي اسال مفقود وياريت تجاوب
الكل عارف انو انت ولوءه صحاب
بس بدنا نعرف منك السر
لانو هناك اختلاف كبير بين شخصيتك وشخصيته
متلا طريقة التفكير المظهر الخارجي ومجال الدراسة والهوايات وطريقة البس وغيرو
انا حابب اعرف السر بعلاقتكو لاني بعرف انو الصحاب بنعدو من بعض
وشكرا

اه انا وعلاء صاحب
وهي ما فيها سر ممكن اي تنين يكونوا اصحاب بس يختلفوا في وجهات النظر
بس طريقه التفكير تقريبا وحده
ومجال الدارسه كل واحد بيختار الي المجال الي هو حابه وشايف انو بيقدر يطور حاله فيه
اما الهوايات فهي تقريبا واحده وهي الرياضه بس بنختلف شويه لانو علاء بيلعب سله شويه وما ننسى انو
التاني على فلسطين في الدراجات الهوائيه
واي سؤال انا مستعد
وانشاءالله اكون اعطيتك جواب مقنع

ثانكس مفقود علي اجوبتك الصرحية

بتمني من بائي الاعضاء التفاعل معنا

ويا ريت كل واحد بعد ما يوجه اسئلتو يختار عضو يكون ضيف المرة الجاية

وشكرا

hi mafqod
ممكن تحكيلنا كيف بدأت مع عالم فرفشه
حتى لما سرت مشرف

ميسو كتب:: hi mafqod
ممكن تحكيلنا كيف بدأت مع عالم فرفشه
حتى لما سرت مشرف

اه ممكن
انا بدأت مع عالم فرفشه لما مره اجا عندي فنكي وجون وكان معاهم لوءه
فتكلمنا عن المنتديات فهما حكوا انهم عندهم منتدى
واعطوني الرابط وسجلت
وطبعا من يوم ما سجلت وانا بشتغل معاهم كويس بالمنتدى
وهما شافوا هادا الاشي وقرروا انهم يحطوني مشرف على المنتدى
وطبعا انا بيحصلي الشرف اني اكون مشرف لهادا المنتدى المميز باعضاءه

مفقود بشكرك كتييييييييييير

لازم تتحملنا هادا الاسبوع
1- شو هي التجربة الي عشتها في حياتك وكانت حلوة ؟
2- شو انت استفدت من المنتدي؟
3- شو طموحك مستقبل ؟
بس بكفي هيك
وانا بشكرك كتيييييييييير ياميوش بجد موضوعك رائع

عاشقة الغروب كتب:: مفقود بشكرك كتييييييييييير

لازم تتحملنا هادا الاسبوع
1- شو هي التجربة الي عشتها في حياتك وكانت حلوة ؟
2- شو انت استفدت من المنتدي؟
3- شو طموحك مستقبل ؟
بس بكفي هيك
وانا بشكرك كتيييييييييير ياميوش بجد موضوعك رائع

1- كل التجارب الي عشتها حلوه وبتمنى اكررها
2- استفدت كتير كتير ومعي اني تعرفت على ناس زيكم
3- طموحي زي اي شب اكمل تعليمي واشتغل واتجوز طبعا

انا بدي اسال
هلا كيف انت و صلت لهادي المرحلة انك سرت عضو ممتاز؟

mayoosa كتب:: انا بدي اسال
هلا كيف انت و صلت لهادي المرحلة انك سرت عضو ممتاز؟

والله ما ميوسا مش عارف ايش احكيلك
الواحد بيبدأ شويه شويه وبعدين اذا اثبت حاله بين الاعضاء
واثبت حاله لاداره المنتدى بسير اكتر من عضو ممتاز

عالعافيه يا شباب معكم funky من تحت الكتب
تحياتي الك يا مفقود وكل احترامي انت فعلا عضو و مشرف متميز و ما في غير هيك كلام

اوك هلأ شباب وصباياااا

بدي اياكو تختارو عضو عشان يكون ضيف لليومين الي جاااين

روحواا عليكي ياا ميووش افندي

شو الي روحوا مش فاهمة عليك

انا بقترح انو انتي يا ميوش تكوني ضيفتنا هادي المرة

ولا شو رايكو!

انا بتذكر مرة مريت على رد الك بتحكي فيه انو كان الك تجربة حب ناجحة ممكن اسال الى اي حد بتقصد كلمة ناجحة وشو مواصفات البنت الي حتاخد قلبك لانو الموضوع هادا معي ضارب فيمكن اتعلم منك شوية
اذا كان السؤال في خصوصية ما تجاوب
وشكرا
وبالنسبة لضيف المرة الجاية ما بعرف كلكم خير وبركة ممكن حسون

funkyman كتب:: عالعافيه يا شباب معكم funky من تحت الكتب
تحياتي الك يا مفقود وكل احترامي انت فعلا عضو و مشرف متميز و ما في غير هيك كلام

شكرا فنكي على مرورك الحلو
وبحكيلك انا من غيركم ولا حاجه

فلسطيني كتب:: انا بتذكر مرة مريت على رد الك بتحكي فيه انو كان الك تجربة حب ناجحة ممكن اسال الى اي حد بتقصد كلمة ناجحة وشو مواصفات البنت الي حتاخد قلبك لانو الموضوع هادا معي ضارب فيمكن اتعلم منك شوية
اذا كان السؤال في خصوصية ما تجاوب
وشكرا
وبالنسبة لضيف المرة الجاية ما بعرف كلكم خير وبركة ممكن حسون

اراهن اذا انا حكيت زي هيك كلام
وهات الرد الي بتحكي عليه وساعتها بجاوبك

وليش عصبت عادي اذا مش انت بكون حد تاني وانا ناسي ما فيها شي
انا برجع وبمر على الردود وبشوف
واسف اذا ازعجتك

وماذا تقول لمن تحب ؟؟

بقوله بحبك

كم مرة حبيبت في حياتك ؟ وهل حصل نجاح ام لا ؟؟

حبيت مرة وتقريبا ناجحة

شايف اني مش غلطان يعمي خفت على عقلي يكون خرب
شو ردك على كلامك موجود في منتدى التعارف والتهاني

شوف فلسطيني انا ما عصبت ولا حاجه
بس بصراحه اسئله الحب ما بحبها
وبحاول اتجنب اني اجاوب عليها مش اكتر
وانا بالاخر انسان زي اي انسان واكيد كل شخص لازم تقريبا يمر بفتره حب او حاجه زي هيك
وانت عارف الانسان مخلوق من شهوه
والراجل عنده شهوه والبنت عندها 7 شهوات
والامر عادي بس انا زي ماحكتلك بحاول اتجنب اجاوب على هادي الاسئله لانو فيها احراج نوعاً ما

كل احترامي للعضو مفقود واحنا برضه النا الشرف انه يشتغل معنا لانه بجد اثبت جدارته بس غبنا عن المنتدى وانا بحب اكون معكم بهدا اللقاء انا هلأ فضيت وممعكم حكون

انا بصراحة ما عندي اي سؤال لمفقود
بس بجد بحييه على الاجوبة الرائعة والقوية على الاسئلة
وهاد شي حلو كتير وطبعا بشرفنا كتير انو تكون من الاعضاء المميزين هون

» إحصائية شهر 7 لأنشط الاعضاء من عالم فرفشة
» المسابقة الرمضانية المتجددة حالياً على عالم فرفشة
» ايش رأيكم في تلفزيون عالم فرفشة
» مطلوب مشرفين في منتديات عالم فرفشة
» اهداء الى اسرة منتدى عالم فرفشة شاهد آخر باب الحارة كاملا